Íslenski ferðaklasinn

KLASASAMSTARF

LYKILSTARFSEMI OG MARKMIÐ

Almennt um Klasasamstarf

Klasasamstarf byggist á því að ólíkir aðilar úr sama eða tengdum geirum vinni að sameiginlegum markmiðum.

Með því að sameina krafta ólíkra aðila, eins og fyrirtækja, háskóla, stjórnsýslu og frumkvöðla, skapast tækifæri til að deila þekkingu og reynslu. Þessi samvinna styrkir viðkomandi geira og eykur samkeppnishæfni, bæði á innlendum og erlendum mörkuðum.

Klasar stuðla að hraðari tækniþróun, nýjum lausnum og bættri nýtingu auðlinda, eins og við sjáum í mörgum íslenskum dæmum. Ferðaklasinn vinnur að því að styrkja sjálfbærni, nýsköpun og tæknikunnáttu innan greinarinnar, þar sem samvinna er lykillinn að árangri.

Klasasamstarf er öflug leið til að efla nýsköpun, bæta samkeppnishæfni og skapa varanleg verðmæti. Með því að tengja saman fyrirtæki, háskóla, stjórnvöld, frumkvöðla og fjárfesta myndast vistkerfi þar sem hugvit, þekking og tækni flæða á milli aðila. Þessi samvinna gerir það að verkum að við stöndum sterkari á alþjóðlegum vettvangi og sköpum ný tækifæri til framtíðar.

Kortið hér að neðan sýnir klasakort ferðaþjónustunnar og hún sýnir hvernig mismunandi aðilar tengjast í vistkerfi ferðaþjónustunnar.

Ýtið á myndina til að fá sjá hana stærri:

Stofnun og markmið Íslenska ferðaklasans

Íslenski ferðaklasinn var formlega stofnaður 12. mars 2015 með það markmið að efla samkeppnishæfni íslenskrar ferðaþjónustu. Hann var fyrsti vettvangur sinnar tegundar á Íslandi og hafði það meginhlutverk að stuðla að samstarfi, nýsköpun og þverfaglegum samskiptum innan greinarinnar. Á árunum 2012-2014 var unnin umfangsmikil kortlagning ferðaþjónustunnar sem leiddi til tíu lykilverkefna, þar á meðal einföldun skipulags, vöruþróun og aukin samskipti við menntastofnanir. Þessi vinna lagði grunninn að formlegri stofnun klasans.

Þverfaglegt samstarf og aðlögun að nýjum aðstæðum

Vettvangurinn byggir á þverfaglegu samstarfi ólíkra aðila innan atvinnulífsins, stjórnvalda, háskóla og rannsóknarsamfélagsins. Mikilvægur þáttur í starfsemi klasans er að aðlagast hratt breyttum aðstæðum og stuðla að aukinni nýsköpun, þekkingarmiðlun, og styrkingu tengslaneta. Á sama tíma var stofnuð Stjórnstöð ferðamála til að taka yfir hluta af þessum verkefnum. Vettvangurinn hefur sýnt fram á mikilvægi sitt í að leiða ferðaþjónustuna í gegnum áskoranir, bæði í upphafi vaxtar og á tímum heimsfaraldursins, þar sem ný viðmið og gildi voru sett í forgrunn.

Framþróun og verðmætasköpun í ferðaþjónustu

Íslenski ferðaklasinn hefur frá stofnun sinni staðið að fjölbreyttum verkefnum sem miða að því að efla samkeppnishæfni og verðmætasköpun í íslenskri ferðaþjónustu. Verkefnin snúast meðal annars um sjálfbærni, nýsköpun og stafræna þróun, með dæmum eins og "Ábyrg ferðaþjónusta," "Ratsjáin," "Startup Tourism," og "IcelandTravelTech" ráðstefnuna. Klasinn hefur fljótt aðlagað sig að breyttum aðstæðum, stuðlað að aukinni samvinnu, nýsköpun og bættum innviðum. Í kjölfar heimsfaraldursins hefur mikilvægi samstarfsins aukist enn frekar, þar sem það hraðar framþróun og eflir endurreisn ferðaþjónustunnar á forsendum samfélagsins, með nýjum viðmiðum sem leggja áherslu á einstaklinginn, heilbrigði og umhverfið.

Framtíðarsýn og tilgangur 2021-2025

Virðisauki 

Íslenski ferðaklasinn stuðlar að aukinni samkeppnishæfni íslenskrar ferðaþjónustu með verkefnadrifnu samstarfi þar sem verðmætasköpun og sjálfbærni eru höfð að leiðarljósi. Samstarf ólíkra aðila leiðir af sér aukið virði fyrir þátttakendur og samfélagið

Gildi og æðakerfi Íslenska ferðaklasans

Ábyrgð – Hæfni – Áhrif - Samvinna

Framtíðarsýn

Ferðaþjónusta er til á forsendum íslensks samfélags sem styður
við aukin lífsgæði og auknar efnahagslegar, samfélagslegar og
umhverfislegar framfarir.